მრავალბინიანი საცხოვრებელი სახლი მდებარეობს ქ. თბილისში ო. თაქთაქიშვილის ქუჩაზე 7 ნომერში. (ყოფილი რიგის ქუჩა). საცხოვრებელთან ერთად, სახლის ქვედა სართულებზე სხვადასხვა ფუნქციის სივრცეებიც გვხვდება - მიწისქვეშა ორი სართული ავტოსადგომს აქვს დაკავებული და პირველი ორი სართული საოფისე და კომერციულ ფუნქციებს ითავსებს.
შენობის მთავარი მახასიათებელი დინამიკური ფასადია, რასაც კონსოლურად სხვადასხვა მანძილზე გადმოკიდებული აივნები და დანაწევრებული ფასადის ერთმანეთს აცდენილი სიბრტყეები ქმნის.